Монгол Улсад орчин цагийн тагнуулын байгууллага үүсч, байгуулагдсаны 100 жилийн ойг тэмдэглэх ажлын хүрээнд хүүхэд, залуусын дунд эх оронч үзэл санааг төлөвшүүлэх, эх орноо хайрлах, үндэсний аюулгүй байдлыг хангах талаар үзэл бодлоо чөлөөтэй илэрхийлэх чадварыг хөгжүүлэх зорилгоор "Эх оронч үзэл Үндэсний аюулгүй байдлын баталгаа" сэдэвт эссэ бичлэгийн уралдааныг 2022 он хүртэл жил бүр зохион явуулахаар төлөвлөсөн.

Үүний дагуу энэ удаагийн уралдааныг 2019 оны  4 дүгээр сарын 25-наас 5 дугаар сарын 31-ний хооронд Нийслэлийн ерөнхий боловсролын сургуулийн ахлах ангийн сурагчдын дунд зохион байгуулсан бөгөөд уралдаанд 213 сурагчид эссэ бичиж ирүүлснээс шагналт байранд шалгарсан сурагчдыг танилцуулж байна. Үүнд:

• I байр-11 дүгээр сургуулийн 10а ангийн сурагч А.Саранжил,
• II байр-84 дүгээр сургуулийн 10г ангийн сурагч М.Бат-Оюун,
• III байр-Ирээдүй цогцолбор сургуулийн 12б ангийн сурагч Б.Болор-Ууган.

Тусгай байранд:

• 32 дугаар сургуулийн 10б ангийн сурагч Э.Мөнгөнзул,
• 5 дугаар сургуулийн 10в ангийн сурагч А.Ариунзул,
• 11 дүгээр сургуулийн 10б ангийн сурагч М.Уянга.

Шагналт байранд:

• 14 дүгээр сургуулийн 11в ангийн сурагч Д.Эрдэнэчимэг,
• “Үндэсний биеийн тамирын дээд сургууль”-ийн харьяа “Биеийн тамир спортын ахлах сургууль” буюу лицей сургуулийн сурагч Б.Дэжидмаа
• Улаанбаатар бүрэн дунд сургуулийн 11б ангийн сурагч М.Байгаль,
• 121 дүгээр сургуулийн 10а ангийн сурагч Т.Эмүжин,
• 18 дугаар сургуулийн 10г ангийн сурагч И.Анар,
• Гурван тамир бүрэн дунд сургуулийн 10а ангийн сурагч Э.Төгөлдөр  нар тус тус шалгарлаа.

Шагналыг “Тагнуулын байгууллагын ажилтны өдөр” буюу 2019 оны 7 дугаар сарын 03-ны өдөр Тагнуулын ерөнхий газрын төв байранд гардуулна.

Шагналт байр эзэлсэн сурагчдад баяр хүргэж, цаашдын сурлага, хөдөлмөрт нь өндөр амжилт хүсэхийн ялдамд эссэ бичиж ирүүлсэн нийт сурагчдад талархал илэрхийлье.