2019 онд Халхын голын дайн дууссаны 80 жилийн ой тохиож буйтай холбогдуулан Батлан хамгаалахын Төв архив, ТЕГ-ын Тусгай архив хамтран “Халхын гол-1939 он. Тавдугаар сарын байлдаанд холбогдох баримтууд” сэдэвт эмхэтгэлийг хэвлүүлэн нийтийн хүртээл болголоо.

        Уг эмхэтгэлд Халхын голын орчим 1939 оны 5 дугаар сард болсон байлдааны ажиллагаанд холбогдох 50 баримтыг сонгон оруулсны 36 нь урьд өмнө хэвлэгдээгүй, судалгааны эргэлтэд орж байгаагүй баримт орсноороо онцлогтой байна.