Монголын түүх, соёлын хосгүй үнэт зүйлсийг улсын хилээр зохион байгуулалттай хууль бусаар давуулж, их хэмжээний ашиг олох гэж байсан  этгээдүүд баригджээ. 

Гэмт этгээдүүд нь төрсөн эгч, дүү болох Б, Г нар байсан бөгөөд тэд энэ сарын 26-ны өдөр Замын-Үүд дэх хилийн боомтоор 27 ширхэг  эртний үнэт эдлэлийг БНХАУ руу гаргах гэж байгаад тагнуулынханд баригдсан байна.  

Шалгалтын явцад Б, Г нар нь хууль бусаар хил нэвтрүүлэх гэж байсан эд зүйлсээ хоёр хоногийн өмнө буюу энэ сарын 24-ний өдөр Замын-Үүд рүү илгээмжээр явуулсан нь тогтоогджээ.