Оюутнуудад зориулан жил бүр зохион байгуулдаг уламжлалт өдөрлөг өнөөдөр боллоо. Санхүү, эдийн засгийн дээд сургууль, ШУТИС-ийн Мэдээлэл, холбооны технологи, Эрчим хүчний инженерийн, Уул уурхайн инженерийн сургуулийн 20 гаруй оюутнуудыг урьж тагнуулын байгууллагын түүх, үйл ажиллагааны талаар мэдээлэл өгч, Тусгай архивын үзмэрүүдээс танилцууллаа. Мөн Хүний нөөцийн хэлтсээс оюутнуудын сонирхсон асуултад хариулт өгч, харилцан ярилцав.