Монгол Улсын Ерөнхийлөгч Цахиагийн Элбэгдоржийн зарлигаар Тагнуулын байгууллагын ахмад ажилтнуудыг төрийн одонгоор шагналаа. Үндэсний аюулгүй байдлыг бэхжүүлэх үйлсэд оруулсан хувь нэмрийг нь үнэлэн Д.Сандаг, Г.Чимэддорж, Т.Норовжав, Ё.Оргодол нарыг Цэргийн гавъяаны улаан тугийн одонгоор, Я.Хоодойг Хөдөлмөрийн гавъяаны улаан тугийн одонгоор, Ц.Амгаланбаяр, Ц.Чулуунбаатар, Х.Удираан, М.Өлзийт нарыг Алтангадас одонгоор тус тус шагнасныг ТЕГ-ын дарга, хурандаа Д.Гэрэл өнөөдөр гардуулан өгч баяр хүргэлээ.