Тагнуулын ерөнхий газрын Сөрөх тагнуулын газар, Үндэсний тагнуулын академи хамтран “Банк, санхүүгийн системийн аюулгүй байдал ба санхүүгийн мэдээллийн алба” сэдэвт ярилцлага зохион байгуулж, дээрх салбар, нэгжүүдийн удирдлага, ажилтан, эрдэмтэн, багш нар оролцов.
Тэд банк, санхүүгийн салбарын үйлчилгээг гэмт этгээдүүд терроризмыг санхүүжүүлэх, мөнгө угаах, тагнуул хийх гэх мэт гэмт зорилгод хэрхэн ашиглаж байсан тухай баримтууд, энэ салбарын аюулгүй байдлыг хангахад санхүүгийн мэдээллийн албаны үүрэг, ач холбогдол, гадаад орнуудын туршлагын талаар нэлээд тодорхой  ярилцаж, манай улсын Монголбанкны харъяанд ажиллаж буй Санхүүгийн мэдээллийн албаны бүтэц, зохион байгуулалт, эрх зүйн орчныг боловсронгуй болгох нь чухал гэсэн дүгнэлтэд хүрэв.