УДИРДАМЖ

Канад Улсын санхүүжилтээр Нэгдсэн Үндэсний байгууллагын Хөгжлийн хөтөлбөрөөс /UNDP/ “Монгол Улсад мэргэжлийн, иргэн төвтэй төрийн албыг төлөвшүүлэх нь” төслийг Төрийн албаны зөвлөл, Засгийн газрын Хэрэг эрхлэх газар, Удирдлагын академитай хамтран хэрэгжүүлж байгаа төслийн хүрээнд Монгол улсын төрийн албан хаагчдыг мэргэшүүлэх, давтан сургах ажлыг зохион байгуулж байна. Хөтөлбөрийн хүрээнд Сингапурын Үндэсний их сургуулийн харьяа Ли Куан Юүгийн нэрэмжит Төрийн бодлогын сургуулийн сертификаттай тэтгэлэгт цахим хөтөлбөрт Төрийн албан хаагч та бүхнийг урьж байна.

Танилцуулга:

Төрийн албан хаагчдын бодлого боловсруулах чадвар, хэрэгжүүлэх ур чадварыг хөгжүүлэхэд чиглэсэн уг хөтөлбөрийн сургалт нь цахим хэлбэрээр явагдах бөгөөд

• Төрийн бодлого боловсруулах аргууд
• Төрийн бодлогыг нийтэд таниулах арга, хэлбэр гэсэн хоёр чиглэлээр цахим сургалт зохион байгуулагдана.

Тавигдах шаардлага:

• Монгол Улсын төрийн захиргааны албан хаагч байх
• Төрийн захиргааны албанд тасралтгүй 3-аас дээш жил ажилласан байх /төрийн захиргааны албаны ахлах түшмэлийн болон түүнээс дээших ангилалд хамаарах албан тушаалд ажилладаг байх/
• Тэтгэлэгт хөтөлбөрийн цахим сургалтад бүрэн хамрагдаж, бие даан эрчимтэй суралцах боломжтой байх

Бүрдүүлэх материал:

• Хөтөлбөрт хамрагдах хүсэлтийн маягт /Маягтыг ЭНД дарж татаж авна уу./
• Сонгон шалгаруулалтад орохыг дэмжсэн байгууллагын эрх бүхий албан тушаалтны зөвшөөрөл

Шалгаруулалт:

Санал ирүүлсэн иргэдийг дараах үзүүлэлтээр сонгон шалгаруулна. Үүнд:

• Ирүүлсэн материалын бүрдүүлэлт
• Хөтөлбөрт хамрагдах хүсэлтийн агуулга, шинэ санаа

Хөтөлбөр гурван сар үргэлжлэх ба оролцох саналаа ирүүлэхдээ хавсралт дахь Хөтөлбөрт хамрагдах хүсэлтийн маягтыг ашиглан lkyscholarshipmng@gmail.com имэйл хаягаар 2021 оны 06 дугаар сарын 24-ний дотор илгээнэ. Нийт 16 төрийн албан хаагчийг сонгон шалгаруулж, хөтөлбөрт хамруулна. Хэрэв санал ирүүлэхтэй холбоотой асуулт байвал мөн имэйлээр илгээж, хариулт авах боломжтой. Танд амжилт хүсье.

Түгээмэл асуултын жагсаалт