92263017 •
  Ерөнхий зохицуулагч
1800-1280 •
  Иргэдээс мэдээ мэдээлэл авах
92263535 •
  Төрийн болон албаны нууцтай   холбоотой мэдээ, мэдээлэл
​Төрийн албаны хүний нөөцийн мэргэжилтнүүд сургалтын цогц хөтөлбөртэй боллоо

 

Шинэ хичээлийн жил эхэлж буйтай холбогдуулан төрийн албаны хүний нөөцийн мэргэжилтнүүд зориулсан цогц чадамжид суурилсан хүний нөөцийн удирдлага бүхий цахим сургалтын цогц хөтөлбөртэй боллоо.

Энэхүү цахим сургалтын цогц хөтөлбөрийг Төрийн албаны зөвлөл, НҮБ-ын Хөгжлийн хөтөлбөр “Монгол Улсад мэргэжлийн, иргэн төвтэй төрийн албыг төлөвшүүлэх нь” төслийн хүрээнд төрийн албаны хүний нөөцийн чиглэлээр мэргэшсэн гаднын болон дотоодын эрдэмтэн, судлаачдын баг боловсруулан бэлтгэжээ.

Сургалтын цогц хөтөлбөрт, төрийн албаны хүний нөөцийн ажилтнуудад зориулсан видео хичээл, зөвлөгөө, сорил зэрэг багтсан төдийгүй хүссэн газраасаа Gmail-ээ ашиглан Google Classroom платформыг ашиглан цуврал хичээлүүдийг хүлээн авах боломжтой болов.

Төрийн албаны шинэтгэлийн хүрээнд цогц чадамжийг хүний нөөцийн үйл ажиллагаанд нэвтрүүлэх шаардлагатай арга замуудыг эзэмшүүлэхэд тус цуврал хичээлүүдийг хүссэн газраасаа, хүссэн цагтаа шууд хүлээн авах боломжтойгоороо дижитал шилжилтийн нэг хэлбэр болохыг мэргэжилтнүүд онцолж байгаа юм. Одоогоор тус цахим хичээлийг төрийн албаны хүний нөөцийн 100 гаруй мэргэжилтнүүд хүлээн авч суралцаад байгаа төдийгүй цаашид 300 гаруй мэргэжилтнүүдийг хамруулахаар төлөвлөж байгаа ажээ.

НИЙТЭЛСЭН: 2021-09-29 өдөр 09:50:0 цаг           ҮЗСЭН: 561