1912 онд Сүхбаатар аймгийн Дарханхаан сумын нутагт төрсөн. 1938-1941 онд ХАА-н техникум, 1941-1943 онд Намын шинэ хүчний дээд сургууль, 1957-1960 онд ЗХУ-д Коммунист намын дээд сургууль төгссөн. 1943-1962 онд Намын дээд сургуульд багш, Намын Төв Хороонд лектор, Архангай аймгийн намын хорооны нэгдүгээр нарийн бичгийн дарга, ГЯЯ-нд бэлтгэл ажилтан, Төмөр замын намын хорооны орлогч, Хөвсгөл аймгийн намын хорооны нэгдүгээр нарийн бичгийн даргаар ажиллаж байв. 1962-1963 онд НАХЯ-ны сайдаар, 1963-1975 онд АИХ-ын Тэргүүлэгчдийн газарт хэлтсийн дарга, дипломат албанд болон Улсын арбитрын газарт хэлтсийн даргаар 1982 он хүртэл ажиллажээ. Хөдөлмөрийн гавьяаны улаан тугийн болон Алтан гадас одон, бусад медалиар шагнагджээ.

 

НИЙТЭЛСЭН: 2018-10-03 өдөр 15:14:0 цаг           ҮЗСЭН: Жиргэх Хуваалцах