Их Монгол улс байгуулагдсаны 803 жил, Ардын хувьсгалын 88 жилийн ойгоор Улсын их баяр наадам, аймаг, сумдын баяр наадмуудад Тагнуулын байгууллагын тамирчид амжилттай оролцлоо.
Баян-Өлгий аймгийн Тагнуулын газрын ажилтан Т,Очир Улсын наадмын сурын харваанд IX байр эзэлж, I зэргийн болзол хангасан байна. Мөн тэрээр Сэлэнгэ аймгийн наадамд IV байр эзэлжээ.
Завхан аймгийн баяр наадмын үндэсний бөхийн барилдаанд 256 бөх зодоглосноос ТЕГ-ын “Эрч” спорт хорооны тамирчин Э.Баасандорж “Аймгийн харцага” цол, Р,Эрдэнэбаяр, Д.Анхбаяр, Б.Уртбаяр, Р.Батсүх нарын 4 бөх “Аймгийн начин” цол хүртсэн бол тус спорт хорооны дасгалжуулагч, аймгийн заан Д,Батжаргал 3 дахь удаагаа үзүүрлэлээ.
Сумдын наадамд зодоглосон Г.Баасандорж, Б.Ганбаатар, Р.Батсүх, Б.Шаравнямбуу, О.Батжаргал, Б.Мөнхням, Д.Самдансүрэн нарын 7 бөх “Сумын заан” цол хүртжээ.
Үндэсний их баяр наадмын хурдан морьдын уралдаанд ТЕГ-ын Авто баазын дарга Ю.Содовын уяж хурдлуулсан морь шүдлэн насны 250 хүлэг хурдалснаас 58-д, соёолон насны 135 хүлэг хурдалснаас 73-т тус тус давхижээ.